14
Nachrufe
März 2017
Unsere Verstorbenen
Nachruf von ihren Kindern:
Liebe Mama!
Nebn deiner Liebe und Fürsorge für dei Familie isch des
Lesn olm schon dei große Leidenschoft gewesn. Du hosch des
letzte Blattl im Büach des Lebens umgeblattlt und is Büach
züagemocht.
Traurig samma und denkn on die schiane Zeit mit dia
hinta. Du fahlsch uns hetz schon ollen so.
Du bisch am 16. Dezember 1932 auf da Sunnseite in
Goamberg als ältestes von 9 Kindan auf die Welt kemmen.
Dei Kindheit isch in die Kriagszeit einegfolln und du hosch oft
dazählt wie deis wegn Fliagaalarm von da Schüale hoamlafn
hobs gemüast. Und trotzdem hosch du olm von oana schia-
nen Kindheit gredet.
Dass die Schüalzeit nur so kurz woa, wo du so gern in
die Schüale gongen bisch, und du olm so a güate Schülerin
gewesen bisch, hot dia so load geton. Oba du bisch die Ältes-
te gewesen und man hot di Dahoam gebraucht. Späta hosch
du no getärft die Hauswirtschoftliche Schüale besüachn. Und
deine Zeugnisse sogn olles.
Eigentlich hosch du gewellt Kronknschwesta lernen, wenn
dia nit da Stöffla Franz aus Tristach dazwischen kemmen wa.
So hosch du 1959 in Franz gheiratet und a Familie gegründet.
Enkre 6 Kinda woan da Mittelpunkt von dein zukünftign Lebn.
Oll dei Liabe, dei Fürsorge, dei Verständnis und dei gonzes
Herz hosch du ihnen gebn.
Du bisch a tiaf religiöse Frau gewesn und hosch a viel
Kroft draus gschöpft, und in schware Stundn Holt drin gfundn.
Dei Wissensdrong und dei kritischer Geist hot a dei gon-
ze Familie mitgeprägt. Mit die Sterne woasch du a auf du
und du. Du bisch aufn Griasbichl gongen, hosch di ins Gros
gleg und in Sternenhimmel
beobachtet und bewundert.
Jedes Sternbild hosch du
beim Nomen gekennt. Beim
Zommsitzn in da Kuchl isch
diskutiert worn über Gott
und die Welt, und du hosch
die Tischschublode aufge-
mocht , hosch in Atlas und
die Gschichtsbiacha ausag-
holt um nochzublättern, ob
woll olles sei Richtigkeit hot.
Die Biacha hosch du schon seit der Kindheit on geliebt.
Dei große Familie hot die gonz schen in Onspruch genommen,
und so isch für dei Leidenschoft, is Lesn, oft nur in da Nocht
die oanzige Zeit gewesn.
Wie die da Pforra Ortner mit da Aufgobe betraut hot, in
Tristach die Biacharei zu gründen, hosch du dei Passion rich-
tig auslebn gekennt, und du hosch maßgeblich zum Aufbau
und jetzigen Bestond der Biacharei beigetrogn.
Du bisch so a vielseitige talentierte Frau gewesn. Ob dei-
ne Büabn an Gehilfen beim Aus- und Einbauen vom Motor ge-
braucht hom, ob die Nahmaschine zum Einsotz kemmen isch,
ob du den Pinsel auf da Wond, oda da Leinwond gschwun-
gen hosch, ob so wie viele Somstoge die gonze Familie zum
Schlipfkropfn essn kemmen isch, ob du in Gortn zum Blü-
hen gebrocht hosch - überoll hosch du dein Verstond und dei
gschickte Hond bewiesn.
Und zu ollem bisch du die Seele der Familie gebliebn.
Dei Wormherzigkeit, dei Optimismus, dei offenes Ohr für olle,
dei Schmunzeln und Lächeln wern immer in unseren Herzen
bleibn - a wenn du nimma do bisch.
Mama, Vergelt‘s Gott für olles.
Adelheid Stöffler,
geb. Kollnig
† 05.01.2017