22 OBERLIENZerlesen
Theatergruppe Oberlienz
Es hoirige
Oberlienzna Theata
in Gedichtform zusammengefasst von
Sepp Steinringer
Bevöa olle Eindrücke
vom Theatergschechen sein föat
gib i des oane und öndare wieda, mit a poa Wöat,
sou was schiens zu erleib‘n,
soll man woll noamol ausheib´n.
Ounfong tuets mit da Spielleitarin – da Sieglinde,
sie isch wie a Bam mit ana stork‘n Rinde.
Noch sou viel Joa isch sie a güet vawüezlt
und bei oll ihren Auftritt‘n nou nie
von da Bühne gepüezlt.
Des richtige Theaterstickl zu find‘n do sein
schun die eascht‘n Hürden zu überwind‘n.
Deamol isch die Gleichberechtigung
auf da Streck‘n blieb‘n.
Es isch holt a sou: „Ban ledigen Bauplotz“ do
hom lei vier Weibaleit Plotz, sechs zu vier woan
mia und gebraucht hom die Mandaleit
schun a poa Kistn Biea.
Dass man is gleante nit sou schnell tuet
vageissn, gibt‘s noch de Proub‘n
und Auftritte nou wos zu eissn.
Von Mitte Jänna bis Ende April hot
gedauat des Spiel. Mia homs woll vanom,
es tuet uns gfreuen
Oanfoch güet seinse hoija, die Noien.
Brauch‘n tüets die olt‘n Spiela
Jo jo die Sieglinde hot do woll ihre feinen Fühla.
Het men lei a sou Zeit mochat des
Theaterspiel‘n nou amol sou viel Freid.
Mit‘n Stefan sein Elan –
des mecht i schun ausaheib‘n –
Derf ‘n mia olle zom schiene Stund‘n daleib‘n.
Für die viel‘n Orbeit‘n, ea tüet sich nit schüen
von uns oll‘n a gröeßes Donkschien.
Der Kortenvöaverkauf und
des Plotzresavian tüet nit lei a sou a jeda kapian.
A öndare weat wilde, nit sou die Hilde.
Unsan zwoa Frisösen isch es a gröaßes Heil
Die Spiela sou aufzusteil.
Wosse a müesch daleid‘n, isch ban Auftritt
sich a poamol umzukleid‘n.
Die Sif löse mocht des sehr küel und locht
von gonz‘n Herz´n hintan Fenster auf ian Stüel.
Nit zu vageissn da Tschiggo mit sein Team,
die Ausschank laft supa, donk ihm.
Bei jeda Aufführung a Livemusik und wie deis
heat, des gönze Drumherum
Moansch dass desweig‘n sou viele Züeschauga
keimen und brauch‘n des Serum.
A Schnapsl, Ziggale, ane Kropf ‘n und Brez‘n
des isch des wos die Leit in Oubalienz sou schätz‘n.
Jo jo die Maria mocht soane Kropfn
Des vasteaht woll jeda Toudl
sie hot dafür die richtige Vorlage für a Moudl.
Bei der Nochahmung sein schun viele einegetoppn
und hom fürcha gebrocht lei Loppn.
Bei uns gibt‘s Leit dei sein mit‘n Theater valiebt
bis über die Oahrn, des sein unsere g‘schätzt‘n
Sponsorn.
A jo, die Beleichtung, da Ton und da Vorhong des
müeß züa rechten Zeit funktionier‘n, do hömma a
zwoa Manda, es isch nit oanfoch des zu kapier‘n.
Da Auftritt – es geht lous. Nou drei mol
tutu tutu tutu – isch des a Freid
vöa sou viel Leit a Auftritt heit.
Uns Spiela koun nix mea schock‘n
Es hoaßt hetz lei mea die Bühne rock‘n.
Es freit uns wenn man die Leit heat sogn
es woa schien zu schaug‘n wie die Theaterspiela
ihre Ein- und Ausdrücke wiedageib‘n
Sou is holt amol im wohren Leib‘n.
© Ernst Zeiner